यशवंतराव चव्हाण सेंटर, मुंबई येथे आयोजित राज्यस्तरीय दिव्यांग सक्षमीकरण परिषदेत दिव्यांगांच्या सर्वांगीण विकासासाठी आणि पुनर्वसनासाठी सर्व पातळ्यांवर ठोस कृती कार्यक्रम राबवण्याची गरज खासदार सुप्रिया सुळे यांनी व्यक्त केली. शासन यंत्रणा शेवटच्या घटकापर्यंत पोहोचली पाहिजे, असे नमूद करत त्यांनी दिव्यांगांसाठी पुरेसा निधी आणि सहाय्य देण्याचे आवाहन केले. या परिषदेत 'ज्येष्ठांचा पथदर्शक' या पुस्तिकेचे प्रकाशन झाले, तर परांजपे स्कीम्सचे व्यवस्थापकीय संचालक शशांक परांजपे यांनी ज्येष्ठ नागरिकांसाठीच्या 'अथश्री' गृहप्रकल्पाविषयी माहिती दिली. चार सत्रांत पार पडलेल्या या परिषदेमध्ये तज्ज्ञांनी दिव्यांगत्वाचे वेळीच निदान व उपचार, शिक्षण, रोजगार, एआय तंत्रज्ञानाचा वापर, आरोग्य विमा, युडीआयडी (UDID) कार्डांच्या अडचणी आणि शासकीय योजनांच्या अंमलबजावणीवर सविस्तर मार्गदर्शन केले. अखेर दिव्यांगांना सार्वजनिक ठिकाणी सुलभ वावर मिळण्यासाठी कायदे व नियमांची काटेकोर अंमलबजावणी व्हावी, यावरही चर्चा करण्यात आली.
