यशवंतराव चव्हाण प्रतिष्ठान मुंबई विभागीय केंद्र नाशिक व विश्वास को-ऑप बँक लि. नाशिक यांच्या संयुक्त विद्यमाने जुन्या हिंदी गीतांवर आधारीत तकरार भी...इकरार भी..या कार्यक्रमाचे आयोजन करण्यात आले होते. सुप्रसिद्ध अभिनेते प्रदीप वेलणकर यांनी हा कार्यक्रम सादर केला. प्रदीप वेलणकरांचा चित्रपट क्षेत्राचा व्यासंग आणि अभिरुची याचे हे अप्रतिम सादरीकरण होते. गीतांमधील अवीट गोडी, काळाच्याही पलीकडे जाणवणारे शब्दांचे वेगळेपण आजच्या प्रश्नांशी निगडीत आहे याचीच प्रचिती तकरार भी... इकरार भी...या कार्यक्रमांतून रसिकांनी घेतली. हिंदी चित्रपट संगीतातील अनोख्या विश्वाची संगीतमय सफर अभिनेते प्रदीप वेलणकर यांनी घडवली.