यशवंतराव चव्हाण सेंटरच्या वतीने वर्ष २०२४ चे ‘यशवंतराव चव्हाण राज्यस्तरीय युवा पुरस्कार’ जाहीर करण्यात आले आहेत. विविध क्षेत्रांत उल्लेखनीय कार्य करणाऱ्या गुणवंत तरुणांना प्रोत्साहन देण्यासाठी दिले जाणारे हे पुरस्कार ३० मे २०२५ रोजी छत्रपती संभाजीनगर येथील एमजीएम परिसरातील रुक्मिणी सभागृहात प्रदान केले जातील; पुरस्काराचे स्वरूप ₹२१,००० रोख आणि सन्मानचिन्ह असे आहे. यंदाच्या पुरस्कार विजेत्यांमध्ये क्रीडा क्षेत्रातून हृतिका श्रीराम व ओजस देवतळे, सामाजिक कार्यातून ऋतुजा जेवे व आकाश टाले, रंगमंचीय कलाविष्कारातून तन्वी पालव, कृष्णाई उळेकर, कल्पेश समेळ व ऋतुजा सोनवणे, साहित्यातून विनायक होगाडे व मृदगंधा दिक्षित, उद्योजकतेतून जयेश टोपे व शिवानी सोनवणे, पत्रकारितेतून प्रथमेश पाटील व ज्योती वाय. एल. आणि इनोव्हेशन क्षेत्रातून पद्मजा राजगुरू व सुश्रुत पाटील यांचा समावेश आहे.
