यशवंतराव चव्हाण प्रतिष्ठान, मुंबई विभागीय ठाणे केंद्रातर्फे नूकताच शिक्षकदिन साजरा करण्यात आला. यावेळी समाजातील विविध क्षेत्रांत कार्यरत असणा-या पाच शिक्षिकांचा सत्कार करण्यात आला. यात छाया घाटगे, वर्षा वैद्य, प्रज्ञा जोशी, गीता बलोदी आणि रूचिका इरकशेट्टी या शिक्षकांचा समावेश होता. या सर्व शिक्षिका दिव्यांग मुलांना धडे देतात. हा सत्कार समारंभ नीला सत्यनारायण यांच्या हस्ते पार पडला. यावेळी नीला सत्यनारायण म्हणाल्या, समाजात दिव्यांग मुलांना शिकवणा-या ज्या संस्था आहेत, त्या सर्व महिला चालवत आहेत. या संस्था चालवणे किती कठीण काम आहे, हे मी स्व:त घेतलेल्या अनुभवावरून सांगू शकते. कार्यक्रमाचे सुत्रसंचालन आणि शिक्षिकांच्या मुलाखती मोनिका नाले यांनी घेतल्या.