सोलापूर : यशवंतराव चव्हाण प्रतिष्ठान, मुंबई विभागीय केंद्र सोलापूर आणि मंगळवेढेकर इंस्टिट्यूट ऑफ मॅनेजमेंट, सोलापूर यांच्या संयुक्त विद्यमाने जल जन जागर प्रकल्प भूजल अभ्यास कार्यशाळेचे आयोजन करण्यात आले आहे. रविवारी २१ मे २०१७ रोजी सकाळी ९ ते दुपारी ३ या वेळेत मंगळवेढेकर इंस्टिट्यूट ऑफ मॅनेजमेंट सोलापूर येथे कार्यशाळा होईल.
सुरूवातीला सकाळी ९ वाजता मान्यवरांच्या हस्ते उद्धाटन करण्यात येईल तसेच कार्यक्रमाचे सुत्रसंचालन रजनीश जोशी हे करतील. ९ वाजून ३० मिनिटांनी सोलापूर जिल्ह्यातील तालुकानिहाय भूगर्भरचना आणि जलधारणा क्षमता याबाबत डॉ. श्रीनिवास वडगबाळकर, भूगर्भशास्त्रज्ञ माजी प्राचार्य हे मार्गदर्शन करतील. १०.३० नंतर भूजल रक्षणाचे प्रयोग याबाबत नागेश कल्याणशेट्टी, कृषी पर्यवेशक कृषी विभाग सोलापूर हे मार्गदर्शन करतील. ११.३० नंतर चहापान दुपारी १२ वाजता भूजल प्रदूषण आणि शुध्दीकरण या विषयावर श्री. अच्यूत मोफरे, जलतज्ज्ञ, सोलापूर हे मार्गदर्शन करतील. दुपारी १ वाजता सोलापूर जिल्ह्यातील तालुकानिहाय भूजलाची नेमकी स्थिती : एक आकलन या विषयावर मेधा शिंदे भूवैज्ञानिक, सोलापूर या मार्गदर्शन करणार आहेत. दुपारी २ वाजता बोअरच्या जलपूनर्भरणाचा प्रयोग आणि फलनिष्पती या विषयावर गोवर्धन बजाज प्रयोगशील शेतकरी-उद्योजक हे मार्गदर्शन करतील.