पक्ष्यांच्या विश्वाची अनोखी व वैविध्यपूर्ण सफर अनुभवण्याची संधी नाशिककरांना मिळणार आहे. जागतिक वसुंधरा दिनानिमित्ताने सुप्रसिद्ध पक्षीतज्ञ व छायाचित्रकार सतीश गोगटे यांच्या नांदुरमध्यमेश्वर एक परिक्षण या विषयावर स्लाईड शो व व्याख्यानाचे आयोजन करण्यात आले आहे. शनिवार दि. २७ एप्रिल २०१९ रोजी ६.३० वाजता अ‍ॅडमिनिस्ट्रेटीव्ह डिझास्टर मॅनेजमेंट अ‍ॅण्ड ट्रेनिंग हब,सावरकरनगर,गंगापूर रोड,नाशिक ४२२०१३ येथे हे व्याख्यान संपन्न होणार आहे.सतीश गोगटे हे पक्षीतज्ञ असून,भारतातील अनेक ठिकाणी जाऊन त्यांनी पक्ष्यांचा अभ्यास केला आहे व मानससरोवर,नालसरोवर,भरतपूर,पंगोट,नैनीताल,भिगवण,जायकवाडी ,नांदुरमध्यमेश्वर,बोरीवली नॅशनल पार्क,फन्साड जंगल येथे त्यांनी छायाचित्रण केले आहे. पक्षी निरीक्षणावर त्यांची पुस्तकेही अभ्यासकांना उपयुक्त ठरली आहेत. निसर्ग संरक्षणासाठी सातत्याने ते विविध उपक्रम राबवत असतात. नॅचरल हिस्ट्री सोसायटी मुंबईच्या अनेक कार्यक्रमात त्यांचे योगदान असते.