दृष्टी
बोधवाक्य
आमची मूल्ये
संयुक्त महाराष्ट्राचे शिल्पकार स्व. यशवंतराव चव्हाण
मा. श्री. शरदचंद्रजी पवार
अध्यक्ष
पदाधिकारी
मा. श्री. अरुण गुजराथी
उपाध्यक्ष
मा. सौ. सुप्रिया सुळे
कार्याध्यक्ष
मा. श्री. हेमंत टकले
कोषाध्यक्ष
नव्या दिशेने
‘विश्वासार्ह सर्वोत्तम सेवा’ हे आमचे ब्रीदवाक्य आहे. ‘आधुनिक आणि समृद्ध समाजाच्या निर्मितीकरता सर्व घटकांना समान संधी निर्माण करून देणे,’ ही दृष्टी डोळ्यासमोर ठेऊन शिक्षण, महिला, आरोग्य, युवा आणि सांस्कृतिक क्षेत्रामध्ये यशवंतराव चव्हाण सेंटर, मुंबई उत्प्रेरक (catalyst) म्हणून कार्यरत आहे. चव्हाण सेंटरच्या या सामाजिक कार्यात समाजातील प्रत्येक घटकांनी सहभागी व्हावे, अशी आमची इच्छा आहे.
संयुक्त महाराष्ट्राचे शिल्पकार स्व. यशवंतराव चव्हाण साहेब म्हणजे मराठी मनांचा मानबिंदू. संयुक्त महाराष्ट्राचे पहिले मुख्यमंत्री, महाराष्ट्राच्या कृषी व औद्योगिक विकासाचा पाया घालणारे, महाराष्ट्रात सहकाराचे जाळे विणणारे, आणि पंचायत राज्याच्या माध्यमातून तळागाळातल्या समाजाला स्वत:कडे असणाऱ्या लोकशाही ताकदीचे भान देणारे द्रष्टे नेतृत्व म्हणजे यशवंतराव चव्हाण साहेब. देशाच्या राजकारणामध्ये जेव्हा - जेव्हा कठीण परिस्थिती उद्भवली, तेव्हा - तेव्हा संबंधित खाती सक्षमपणे सांभाळून देशाच्या स्थैर्यात महत्त्वाची भूमिका बजाविणारे आणि राष्ट्रीय राजकारणाला दिशा देणारे नेते म्हणजे चव्हाण साहेब.
चव्हाण साहेबांच्या निधनानंतर २५ नोव्हेंबर, १९८४ रोजी त्यांचे हे कार्य पूर्णत्वास नेण्यासाठी त्यांचे अनुयायी, सुह्रद व कार्यकर्ते एकत्र आले. त्यातूनच १७ सप्टेंबर, १९८५ रोजी मुंबईत यशवंतराव चव्हाण प्रतिष्ठानची, (आताचे यशवंतराव चव्हाण सेंटर) स्थापना झाली.
यशवंतराव चव्हाण सेंटर हे धर्मनिरपेक्ष, पक्षनिरपेक्ष व्यासपीठ आहे. महाराष्ट्राच्या जनमानसाला सचिंत करणार्‍या प्रश्नांचा खल करावा आणि या चर्चेतून कार्य करणारी माणसे तयार व्हावीत, हीच सेंटरची भूमिका आहे. या राकट, कणखर, दगडांच्या देशाचा स्वाभिमान अभंग राहावा, ही महाराष्ट्रातील जनमानसाची इच्छा आहे. यशवंतराव चव्हाण सेंटरचा तीन दशकांचा प्रवास हा या आकांक्षेच्या पूर्ततेचा आहे.
अधिक माहितीसाठी चव्हाण सेंटरच्या वेबसाइटला भेट द्या.